ޑރ ޒާކިރް ނައިކް އަށް މަރްޙަބާ

ޑރ ޒާކިރް ނައިކް ރާއްޖެއަށް ޒިޔާރަތް ކުރެއްވުމަކީ ދިވެހީންނަށް އުފަލާއި ހިތްހަމަ ޖެހުން ލިއްބައިދޭނޭ ކަމެކެވެ. އަދި ރާއްޖޭގައި ފަހަކަށް އައިސް އުފެދިގެންއުޅޭ ސެކިޔުލަރ ޚިޔާލުތަކުގެ ވެރީން ހިތުގައިޖެހި ބޯފަޅައިގެން ހިގައިދާ ފަދަ ކަމަކަށް ވާނެއެވެ. ޢަލްމާނިއްޔަތު ނުވަތަ ސެކިޔުލަރިޒަމް ގައި ހައްދު ފަހަނައަޅައިގެން މިއުޅޭ ލާދީނީ ސެކިޔުލަރ ނޭއްގާނި ސޮރުންތަކާއި ކޮއެތައް ޑރ ޒާކިރުނައިކް ގެ ލެކްޗަރތައް އަޑު އަހައިފިނަމަ ފަހަރެއްގައި އެމީހުންގެ ކިލަނބު އަދި ދަނބުޅި ވިސްނުންތަކަށް ކޮންމެވެސް ޠާހިރު ކަމެއް ލިބިދާނެއެވެ. އެ ކަމަށް އުއްމީދު ކުރަމެވެ. މާތްވެގެންވާ ޙައްޤު ދީނަށް އިޙްތިރާމް ކުރުން އިހުމާލު ކުރެވިފައިވާ ތަރުބިޔަތުތަކެއް ލިބިފައިވާ އަދި ދީނީ ހޭލުންތެރިކަމާއި ޢިލްމުން މަޙްރޫމް ވެފައިވާ މި މިސްކީނުމީހުންތައް ޒާކިރްނައިކް ގެ ދަރުސްތަކުން ފައިދާލިބިގަނެގެން މާތްވެގެންވާ އިސްލާމް ދީނަށް އެ މީހުންގެ ޖާހިލު ލިޔުންތަކުން އެ ކުރާ ފުރައްސާރަ ދޫ ކޮށްލައިފިނަމަ އެއީިހާދަ ރަގަޅު ނަތީޖާ އަކަށް ވާނެއެވެ. އެކަމަކު ދަންނާށެވެ! ސެކިޔުލަރ، ލާދީނީ ޖާހިލުން ކިތަންމެ ވަރަކަށް ދިވެހިބަހުންނާއި ކޮށި އިގިރޭސިބަހުން ބްލޮގްތައް ހަދައިގެން ކީރިތި މާތް ޙައްޤު އިލާހު އެ ދީނަކަށް ރުހިވޮޑިގަންނަވާ ދީނަށް، އިސްލާމް ދީނަށް، ކިތަންމެ ފުރައްސާރަ ކުރިޔަސް މި ތެދުވެރި ޙައްޤު ދީނަށް ދެވޭނޭ އެއްވެސް އަދި ކުޑަވެސް ގެއްލުމެއް ނޯންނާނެއެވެ. ގެއްލުން ވާނީ އެ ސެކިޔުލަރ ގަމާރު ސިކުޑިތަކުގެ ވެރީންނަށެވެ

ދިވެހީންގެ ދީނަކީ އިސްލާމް ދީނެވެ

ސެކިޔުލަރ ޚިޔާލުގެ މީހުން ކިތަންމެ ހިތުގައި ޖެހުނަސް ދިވެހީން އެމީހުންގެ ދީން ދޫކޮށެއްނުލާނެއެވެ. ދިވެހީން ދިވެހީންގެ ގޮތުގައި މިތިބީ މާތްވެގެންވާ އިސްލާމް ދީނުގެ ސބަބުންނެވެ. ދިވެހިރާއްޖޭގެ މިނިވަންކަމާއި އަމިއްލަސިޔާދަކީ މި ރާއްޖެއަށް އިސްލާމް ދީން ދީފައިވާ ހަދިޔާއެކެވެ. ދިވެހި ރާއްޖޭގެ މިނިވަންކަމާސިޔާދަތު ރައްކާތެރިކުރުމަށް ޖިހާދު ކުރެއްވި ހުރިހާ ޤައުމީ ބަޠަލުން ވެސް ޖިހާދު ކުރައްވާފައިވަނީ މާތް އިސްލާމް ދީނުގެ ނަމުގައެވެ. ވީމާ މާ ލާދީނީ ވެގެން މި އުޅޭ ހުރިހާ ސެކިޔުލަރ ޖާހިލުންނަށް ދޭން އޮތް ނަސޭހަތަކީ ދިވެހި ރާއްޖޭގައި ކަލޭމެން ދިރިއުޅެން ބޭނުންނަމަ ޙައްޤު ތެދުމަގު ކަމުގައިވާ މާތް އިސްލާމް ދީނާ ހަނގާ ނުކޮށް ތިބޭށެވެ. އެހެނީ އަހަރެމެން ދިވެހީން މި ދިވެހި ބިމުގައި އެއްވެސް ބާޠިލު ދީނަކަށް ޖާގައެއް ނުދޭނޫއެވެ. ކީރިތި މަތިވެރި ކުޅަދުންވަންތަ އެއްކައުވަންތަ މާތް އިލާހުގެ އިރާދަފުޅާއެކު ދިވެހި ރާއްޖެ އަކީ އިސްލާމް ދީނުގެ، ހަމައެކަނި އިސްލާމް ދީނުގެ ވަޠަނެކެވެ. މި ޙަޤީޤަތް ގަބޫލު ނުކުރެވޭ މީހުން ކަނޑަށް އެރިގެން ކަނޑުގެ ލޮނުގަނޑު ބޮއެގެން ހަލާކުވެދާހުށިކަމެވެ! ދިވެހި ވަންތަ ކަމާއި އިސްލާމް ވަންތަ ކަން ދުވަހަކުވެސް ވަކި ނުކުރެވޭހުއްޓެވެ